搬入新居前，最令人憂心的，往往唔係傢俬未到或電器未裝好，而係裝修後潛藏於空氣中的「甲醛」。甲醛係常見於膠合板、油漆及家具膠水入面嘅有害氣體，長期吸入會影響健康，特別對小朋友、長者或敏感人士影響更大。
面對甲醛問題，愈來愈多人會考慮搵除甲醛公司幫手，但市面選擇咁多，到底邊間可靠？收費又應該點睇？如果預算有限，仲有冇替代方法？本文會全面拆解各類除甲醛服務與技術，帶你睇清公司揀選貼士、報價標準，以及 DIY 替代方案，等你搬屋唔再靠估，安心入住無負擔！
為何要搵除甲醛公司？
除甲醛往往同裝修後清潔一樣重要，兩者配合能更有效改善室內空氣質素。
雖然坊間有唔少除甲醛方法，例如活性碳、空氣清新機、室內植物等，但往往只適用於輕微污染、細空間。如果係新裝修後即將入伙、有小朋友或孕婦，搵除甲醛公司處理，會更穩陣：
- ✅ 可即時檢測甲醛濃度
- ✅ 有針對性處理方案
- ✅ 有數據報告支持，信心更大
- ✅ 一次過清理多個污染源，效率更高
除甲醛公司用咩技術？
不同公司會因應場地情況、裝修物料，選擇以下一種或多種技術組合處理：
1. 光觸媒（Photocatalyst）
以二氧化鈦配合光線催化反應，分解甲醛、苯、TVOC 成為無害水與 CO₂。
2. 天然酵素／植物酵素
主要成分為天然植物提取，經中和反應將甲醛降解，適合敏感人士或嬰兒家庭。
3. 封閉劑／滲透劑
透過塗層封住木板等釋放源，減慢甲醛釋放速度。
4. 高溫蒸氣處理
使用蒸氣槍或加熱設備，加快甲醛揮發，再結合吸附或分解處理。
服務流程係點？
- 預約上門評估與報價：實地了解裝修範圍、污染來源。
- 專業檢測：使用甲醛／VOC 濃度儀器，即場提供初步讀數。
- 方案設計：建議使用技術、施工次數與時間表。
- 施工處理：分區處理或全屋噴塗，過程中保持通風。
- 後續檢查與報告：完成後再檢測，提供成效報告。
點樣確保公司做好晒？
為咗確保除甲醛公司真係做得足、做得好，你可以留意以下幾點：
- 確認施工範圍：要求合約清楚列明包括哪些區域（如櫃桶、牆腳、地台等細位）。
- 觀察處理過程：施工當日最好有人在場，觀察施工人員是否有按步驟處理每個角落。
- 詢問售後服務：問清楚會唔會有跟進檢查、保養期、甚至免費重做保證。
- 核對效果報告：專業公司會提供前後甲醛濃度報告，確保效果有數據支持。
- 考慮第三方驗證：如果對結果有懷疑，可以自費搵第三方檢測機構覆核，增加信心。
除甲醛公司邊間好？5 個實用選擇準則
- 有冇第三方認證？（如 SGS、CMA）
- 有冇提供報告數據？（施工前後對比）
- 技術來源清晰？（標明使用產品／產地）
- 有實體店或網站？（避免遊擊式公司）
- 用家評價點？（參考 Google、Facebook）
📝 有啲公司標榜「$888 起」，但可能只包表面處理或初步噴劑，實際效能未必足夠，宜多問幾間比較。
官方參考資料：香港室內空氣質素資訊中心
總結：專業處理＋自行配搭，雙管齊下更安心
選擇除甲醛公司處理，能夠節省時間並取得更穩定效果。尤其家中有小朋友、長者或過敏體質人士，更值得投資一個安全的起點。
如果你暫時未有預算安排除甲醛公司，其實都可以考慮 DIY 方法處理室內空氣質素。歡迎參考我們另一篇文章：【除甲醛方法】實用全攻略｜8種DIY 除甲醛方法一次看應。
同時，日常仍可配合開窗通風、活性碳吸附、空氣清新機等方式作為補充保養，令新居空氣質素長期穩定。
掌握正確除甲醛方法＋選擇可信除甲醛公司，再配合日常甲醛清除習慣，你就可以真正安心入住，全家健康加分！
